” चिरज “
माँ क्रूपा करो मेहाई मायड, देशाणे काबा वारी .
हैं काबावाली डोकरी,, आवड करनल अवतारी |
क्रूपा करो माँ……… टेर
हैं काबावाली डोकरी,, आवड करनल अवतारी |
क्रूपा करो माँ……… टेर
हैं देशनोक करणी किनियाणी, आफत आय उबारों ,
चारण कुल वंशी अवतारी,, दाता झंझट टारों।
बारम्बार विनती करूँ दाता, शरणा सदा म्हनें राखों।
चारण कुल वंशी अवतारी,, दाता झंझट टारों।
बारम्बार विनती करूँ दाता, शरणा सदा म्हनें राखों।
माँ क्रुपों करों………. 1
मारी कुटिया पधारो माता,थैं करदो लीला न्यारी,,
माँ मेहर करो देशाणे वाली,,जगदंबा ज्योता धारी।।
मापें किरपा करोंजी मैयां, धिन-धिन धिनियाणी राज।
माँ क्रूपा कारों माँ……….. 2
आवड भक्ति करता माता, थाकी लीला अपरम्पारी,
लाखण जन्म दोबारा पायो,, जीवन किरपा उबारी,,
धर्मराज सु तीन वचन लिन्हा, मेहाई जी महाराज।
लाखण जन्म दोबारा पायो,, जीवन किरपा उबारी,,
धर्मराज सु तीन वचन लिन्हा, मेहाई जी महाराज।
माँ क्रुपों करो………… 3
चारण कुल बढायो माता, किरपा थारी मेहाई महाराज,,
जय जय हो थारि माता, सकल करबा वाली काज ,
मेहाई म्हारी अर्ज सुणों जी, किरपा करोला आज।
माँ क्रूपा करो माँ………… 4
तेरी लीला जग जाने माता, मैं भी राखूँ आशा थारी,
हो मैया थारो ही उपकार हैं, तूँ ही सगला राखण वारी,,
मिले कौनी निराशा थारे द्वारे, धिन-धिन करनल काज।
हो मैया थारो ही उपकार हैं, तूँ ही सगला राखण वारी,,
मिले कौनी निराशा थारे द्वारे, धिन-धिन करनल काज।
माँ क्रुपों करो माँ………….. 5
काबावाली डोकरी कर्नल, आप थलवट देशाणेरायी,
आप ऊँचा ऊँचा गढ विराजों, सदा करजो मैया सहायी,,
थारि लीला मिठी लागैं, ओजी करनल जी किरतार।
आप ऊँचा ऊँचा गढ विराजों, सदा करजो मैया सहायी,,
थारि लीला मिठी लागैं, ओजी करनल जी किरतार।
माँ क्रुपों करों माँ……….. 6
दु:खडा हरणी माँ सुख भरणी, लीला हैं मतवाली,
विनती सुणलें मात भवानी, अम्बा आवड काबावाली,,
थारा रूप अनेक माता, किरपा राखों देशाणे अंदाता ,
विनती सुणलें मात भवानी, अम्बा आवड काबावाली,,
थारा रूप अनेक माता, किरपा राखों देशाणे अंदाता ,
माँ क्रुपा करों माँ…………. 7
ओजी रणदेव शीश नमावें, पहली चिरज रचाई,
माँ दें वरदान यही माँगू, किरपा कारों कर्नल माई, ,
जूग-जूग थारों यश गाऊं, माता सुणज्यों जी अर्ज म्हार।
माँ क्रूपा करो मेहाई मायड, देशाणे काबा वारी .
हैं काबावाली डोकरी,, आवड करनल अवतारी |
हैं काबावाली डोकरी,, आवड करनल अवतारी |
रणजीत सिंह चारण “रणदेव” ,
मूण्डकोशियाँ, राजसमन्द
मोबाइल न. – 7300174927